هاد الوصفة رائعة تبيض تزيل الحب الكلف قولو باي باي ماسك الودعة الصحراوي الخطير

سلام عليكم و رحمة الله تعالى و بركاته

 ماسك الودعة رااائع

هاد الوصفة رائعة تبيض تزيل الحب الكلف قولو باي باي و نتيجة اكيدة وفيها مميزات اخرى
تلمسيها انت من بعد الوصفة عبارة على زوج مراحل 

اول مرحلة 

تشري الودعة
العزباء متكونش مطلقة او ارملة ههههه المهم تجيبي 4 حبات او حامضة بلدية
متخفيش الحامض مياترش على البشرة لانها تنخدو منو غير شوي خودي كاس زاج و
عصري فيه الحامضة و لوحي فيها العزباء ديالنا و غطيه مزيان بميكة عاد شي
حاجة و خبيه جداتنا القدام كيقولو ميشوفها حد وتكوني موضيا عاد قاديها هههه
لكن هي غير ميوصلها البرد المهم حطيها 48 ساعة غتدوب وتولي الحامض لونو
ابيض

المرحلة تانية

كنجيبو من العطار كدالك طين الاخضر
خودو منو ملعقة و ملعقة نيدو
و زيدي عليه شوية من العزباء ديالنا لي دابت فالحامض الودعة العزباء
زعما هههه وخلطيهم حتى يصيرو فحال هاكا وديريهم كماسك
اجي دابة غسلي وجهك برفق و مسحيه و ديري بخار الى عندك الة البخار معندكش
ديري طاوة فيها البابونج او لا لخزامة او ازير حتى يسخن وجهك و مسحيه بشوية
او حطي الكريم ديالنا و ديري دوائر الخيار على عنيك
وغمضي عينيك وهما فوقهم الخيار و خليك مرخية 20 دقيقة
او اقل نوضي ديري كلينكس فيه ماء الورد ومسحي بيه من التحت للفوق بشوية
عاد غسلي بهاد الصابونة ديال الكف
اولا ختاري صابونة مبيضة لي تنفعك ونشفي وجهك وستمتعي بالبشرة الغزالة
ومتنسايش المرطب خصوصا لي بشرتهم جافة مرطب خاص يكون ديما لان الترطيب ضروري مع اي وصفة انتظر منكم دعوة عن ظهر غيب بتيسر اموري
ملحوظة لي عندها الكلف تبع هاد الوصفة 7 ايام