كيف ما ستافدت منكوم فبزاف ديال لوصفات حبيت حتا أنا نحط ليكم طريقة ديالي فgوماج سهل و إقتصادي ويمكن ليك تعمليه فدار ويعطيك نفس نتيجة ديال كوافورة وبثمن أقل.
باسم الله نبداو،أولا غسلي وجهك مزيان بأي منظف وجه نتي كتستعمليه ومرتاحا ليه أنا كنستعمل غاسول الوجه عميق المفعول من كلين أند كلير من بعد عملي تقشير لوجهك إمكن ليك تستعملي تقشير طبيعي معلقة زيت زيتون و ملعقة سنيدة تفركي بيهم وجهك مزيان أو ممكن تستعملي كريم تقشير من كلين أند كلير أو أي نوع ترتاحي ليه و يجي مع بشرة ديالك.
فلوقت لي نتي كتقشري وجهك تكوني عاملة فوق البوطة طنجرة عمرتيها بالماء و درتي فيه الخزامة و معدنوس و زعتر و شيح أو وحدة من هاد أعشاب فقط ملي يطيبو و تكوني غسلتي وجهك وقشرتيه مزيان ونشفتيه مزيان حطي وجهك فوق البخار و ديري فوطة فوق راسك تحبس ليك البخار وجهك تعرديه لبخار عشرة دقائق حتى يتفتحو مسامات مزيان و تعصري لي بوان نواغ بكلينكس واياك تعصريهم بدفارك يخليو ليك لي طراس بكلينكس و بشوية على بشرة ديالك والحبوب بعدي منهوم عندك تعصريهم،نشفي وجهك مزيان و ديري ماسك لوجهك لي مولفا كديري أنا كندير ماسك نيدو و لما ديال روز لي عندها بشرة دهنية بحالي تحيدو ملي تفوت 15 دقيقة ولي بشرا ديالها عادية أو جافة تخليه حتى ينشف والسبب هو أن نيدو دهني و البشرة دهنية إلى تعطل فيها كيخرج لحبوب، ملي تحيدي ماسك و تنشفي وجهك مسحيه بماء الورد ملي ينشف دهني بكريم مرطب ديالك أنا كندهن بنيفيا رخيسة و كترطب و ستمتعي ليا بوجه نقيييي و رطب و بثمن قليييييل، شي دعيوة راه عيييييت من لكتبا ولي عندها سؤال أنا موجودة
ليست هناك تعليقات:
إرسال تعليق