لام لبنات نعطيكم وحد الوصفة اقسم بالله العلي العظيم راهي ايفيكاس انا جربتها شخصيا قبل عرسي كنت في الجامعة مع التخرج والميمواغ مهلوكة وزوجي ماخلاليش فترة باه نوجد روحي للعرس مزيان غير فيكسا لدات تع العرس قاليا دبري راسك مانستناش
المهم لبنات تحضيرات العرس هلكتني كان في يدي مدة شهرين باش نوجد روحي كنت كيما المسمار رقيقة بزاف القفطان لينروح نقيسو نقول ليه صغرلي في لطاي كنت تمانية وثلاثون وراكم عارفين الرجال يبغو الترمة الطرية وليونش والصدر تلاقيت مع وحد المرا قالت ليا نعطيك وصفة وتجربيها وترحمي عليا قاتلي اشتري قرعة سيرو تع الشهية اي نوع تحبي حنا في الجزائر عندنا هيبتاجيل خواتاتي المغاربة والله ما علابالي اش انواع السيرو لي عندكم المهم سيرو تع شهية زيديلو قرعة كونفيتوغ تع كرموس (معجون التين) زيديلوقد كاس تع اتاي زيت زيتون حر ( زيت البلدية)خلطيهم بكامل وكل يوم كولي ملعقة لصباح على الريق وملعقة قبل النوم جربيها وردي ليا الخبر الايام الاولى تولي تنعسي بزاف ومن بعد توالفي غادي تولي بلا ماتحسي تاكلي مزيان وترقدي مزيان والله يا اخواتي جربتها تقريبا شهر ونصف قبل الزواج كنت نوزن تسعة واربعونو لاطاي تمانية وتلاتين وليت نوزن سبعة وخمسين ولاطاي اتنان وربعين وتعمرت من وجهي وصدري ولفخاد بصحة وراحة عليكم
ليست هناك تعليقات:
إرسال تعليق